*ಎಲ್ಲೆಲ್ಲೂ ಆ ನಾಮವೇ ಗುಣಗಾಣ*
🍀🍀🍀🍀🍀🍀🍀
*✍🏻 :::nsm :::*
ಅದೊಂದು ಸೋಮವಾರ, ರಬೀಉಲ್ ಅವ್ವಲ್ ತಿಂಗಳ ಹನ್ನೆರಡನೆಯ ದಿನಾಂಕ.
ಮಕ್ಕಾದ ಸರದಾರ ಅಬ್ದುಲ್ ಮುತ್ತಲಿಬ್ ಕಅಬಾ ತವಾಫ್ (ಪ್ರದಕ್ಷಿಣೆ) ಮಾಡುತ್ತಿದ್ದಾರೆ.
ದಿವಂಗತ ಪುತ್ರ ಅಬ್ದುಲ್ಲಾರ ದಾಸಿ ಬರ್ಕ ಏದುಸಿರು ಬಿಡುತ್ತಾ ಓಡೋಡಿ ಬರುತ್ತಿದ್ದಾಳೆ.
ಮುಖವು ಅರಳಿದೆ
ಆನಂದಾತಿರೇಕದಿಂದ ಅವಳು ಕಾಲುಗಳು ನೆಲದ ಮೇಲೆ ನಿಲ್ಲಲೊಲ್ಲುತ್ತಿಲ್ಲ.
ಸಮಾಚಾರವೇನೆಂದು ಕೇಳುವುದಕ್ಕೆ ಆಸ್ಪದ ಕೊಡದೆಯೇ ಒಂದೇ ಉಸಿರಲ್ಲಿ ಹೇಳಿ ಬಿಡುತ್ತಾಳೆ:
*'' ಓ ಸರದಾರರೇ, ಶುಭವಾಗಲಿ, ಅಮೀನ ರ.ಅ ರವರಿಗೆ ಚಂದ್ರನಂತಹ ಮಗು ಹುಟ್ಟಿದ. ಅತ್ಯಂತ ಸುಂದರ ಪುತ್ರ.''*
ಅದೆಷ್ಟು ಸುಂದರ ಆ ಮಗು!
ಚಂದ್ರನಂತಹ ಮುಖ,
ಕಾಡಿಗೆಯಂತಹ ಕಣ್ಣುಗಳು,
ಅತ್ಯಂತ ಪರಿಶುದ್ಧ ದೇಹ.
ಆ ದೇಹದಿಂದ ಸುಗಂಧ ಸೂಸುತ್ತಿದೆ.
ಆನಂದ ಬಾಷ್ಪಗಳು ಹರಿಯಲಾರಂಭಿಸಿತು
ಅಬ್ದುಲ್ ಮುತ್ತಲಿಬರ ಕಣ್ಣುಗಳಿಂದ,
ಉಸಿರಾಡುವುದು ಕಷ್ಟವೆನಿಸಿತು ಸಂತೋಷದಿಂದ.
ಕಅಬಾದ ಪರದೆಯನ್ನು ಅಪ್ಪಿ ಹಿಡಿದು ಪ್ರಾರ್ಥಿಸುತ್ತಿದ್ದಾರೆ.
" ಓ ಅಲ್ಲಾಹ್!
ಕೃತಜ್ಞತೆ ಸಲ್ಲಿಸಲು ಮಾತೇ ಹೊರಡುತ್ತಿಲ್ಲ.
ಆಮಿನಾಳಿಗೆ ಪುತ್ರನನ್ನು ದಯಪಾಲಿಸಿದೆ,ನನಗೆ ವೃದ್ಧಾಪ್ಯದ ಆಸರೆ ನೀಡಿದೆ,ಅದನ್ನ ನೀ ಸಂರಕ್ಷಿಸು ಅಲ್ಲಾಹ್ "
ಅಬ್ದುಲ್ ಮುತ್ತಲಿಬ್ ಆಮೀನಾರ ಮನೆಯತ್ತ ಧಾವಿಸುತ್ತಿದ್ದಾರೆ,
ಮನೆ ಪ್ರವೇಶಿಸಿಸುತ್ತಲೇ
ಅಪೂರ್ವ ಸುಗಂಧವು ಅವರನ್ನು ಸ್ವಾಗತಿಸುತ್ತಿದೆ.
ಆನಂದತುಂದಿಲರಾಗುತ್ತಾ
ಮಗುವನೆತ್ತಿ ಮುದ್ದಿಸುತ್ತಾ
ಎದೆಗವಚಿಕೊಂಡು ಕಅಬಾದತ್ತ ತಂದರು.
ಹಾಶಿಮ್ ಮನೆತನದಲ್ಲಿ ಅಬ್ದುಲ್ಲಾರ ಪುತ್ರನ ಜನನ
ಹರಿಯುತಿದೆ ಸಂತೋಷದ ಹೊಳೆ.
ಅಬ್ದುಲ್ ಮುತ್ತಲಿಬರಿಗೆ ಎಲ್ಲಾ ಕಡೆಯಿಂದಲೂ ಶುಭಾಶಯಗಳ ಸುರಿಮಳೆ.
ಏಳನೇಯ ದಿನ ಕುರೈಶರಿಗೆ ಅದ್ದೂರಿಯ ಔತಣ
ಮುದ್ದು ಮೊಮ್ಮಗನಿಗೆ ನಾಮಕರಣ.
ಅತಿಥಿಯೊಬ್ಬನು ಕೇಳಿದ
ಓ ಸರದಾರರೇ ಏನೀ ಪೌತ್ರನ ನಾಮ?
ಕೇಳಿ ಆಶ್ಚರ್ಯ ಪಟ್ಟರು ಜನ
ಈ ಜಗತ್ತಿನಲಿ ಎಲ್ಲರ ಪ್ರಶಂಸೆಗೆ ಪಾತ್ರವಾಗಬೇಕು,ಆ ಆಕಾಶದಲ್ಲೂ ಈ ಭುವಿಯಲ್ಲಿ ಈ ಮಗುವಿನ ಗುಣಗಾಣವಾಗಬೇಕೆಂದು ಬಯಸಿತು ಅಬ್ದುಲ್ ಮುತ್ತಲಿಬರ ಮನ.
ಶತಕೋಟಿ ಜನರು ಕ್ಷಣ ಬಿಡಡೆ ಕೊಂಡಾಡುತಿರುವ ನಾಮವೇ
❤️❤️❤️❤️❤️❤️
*ಮುಹಮ್ಮದ್ﷺ*
❤️❤️❤️❤️❤️❤️
